چکدی خدا عرشه قرا یا حسین

چکدی خدا عرشه قرا یا حسین

قوزانوب افلاکه نوا یا حسین

سینه دولوب کرب وبلا عشقینه

شیعه گیوب رخت عزا یا حسین

مین نچه ایلدی بیله برنامه وار

زنده دی دین تا کی عزاخانه وار

ماه محرم ده بو هنگامه وار

دایر اولوب دار بقا یا حسین

یاد ایدروخ پرپر اولان اصغری

پیکری قانه بویانان اکبری

قاسم شهزاده نام آوری

یر گوی اولوب غرق صفا یاحسین

زنجیره غم غصه لری باغلاروخ

سینه ویروب باش یاراروخ آغلاروخ

محنت زینبده اورک داغلاروخ

سیزده دی هر درده دوا یا حسین

یوخدی آقا آیری بیزیم پیشه میز

عشقون اولوبدی آقا اندیشه میز

گوز یاشیدی روز جزا توشه میز

باخ بیزه سن روز جزا یا حسین

سن سن آقا عالمه نور بصر

عشقون ادیب بیزلری شوریده سر

جان رقیه بیزه بیر قیل نظر

حاجتیمیز ایله روا یا حسین

آند اولابو لحظیه بو ساعته

آند اولا بو پرچمه بو هیأته

آند اولا آدوندا اولان لذته

یوخ بیزه بیر آیری سرا یاحسین